dimanche 29 juin 2008

Ussan di Tmurt n Feraoun


Ussan di Tmurt n Mouloud Feraoun i d-yessuqel kamal Bouamara yeffγed i tikelt tisnat γer teẓrigin ENAG .


Ukkis

Awal γef wamek i d-tettili tmecre yezga, ay at lɛra! Ccah dγa, imi γer yiwen n ubrid i yessuffuγ!
Di tazwara ad d-yili wawal am targit, ad yazzel uhendawal.At tama n ufell ad
γilen s wadda i d-yeffeγ wawal-nni. Widak n tama n wadda daγ ad as-qqaren yekka-d seg tama n ufell. ttif ihi win ur nudi fell-as, ma ulac, ad teffeγ “targit” i taddart akkin, ad tt-yaf tɛcca, hendazi, di taddart nnien.
- ih, d tidet, at taddart-nne
γ ur urgan ara.targit n at ugemma-ihin.rnu, dinna, akken i d-qqaren medden, yella wayen yifen targit. D yiwet n taγa i d yemeslkayen, ttmeslay am kečč d nek ; tessawel-ed i lɛerc i wakken ad zlun axuten(lmal). A kra i d-yettesisen…
- mačči d ta
γat , d aleqqaq! Untiqen-is imezwura, i d-qqareb, ttwafraen, d imeslayen.yemma-s i yeffeγ leɛqel, deg tagdi , tessawled-dindid i uguram (ṭṭaleb). Mmiharen am sin n lɛeqqal ! γiwlet a lγaci !
- d ayen ur iqebbel le
ɛqel! Tenni-ed d yiwen n bu camart i d-yusan γer Tejmaɛt n ufella yules-it-id ?
- akka, ih. Ad iru
daγ γer wanda nnien, γer tudrin nniden . mačči ala nekni.
- I bucamar-a, tessne
-t ? teri-t? tesli-as ?
- Mačči d amcum, nekki. Aseggas-a, d yir netta. Fehmet! Tabuzegga
γt tewwe-ed ya. Ahat iteddu d wayen nnien ur neri ara .lasun, Rebbi yefka-yaγ-ed. D ttemman-nneγ ara yilin d imasayen(imebren) zdat n Rebbi i aγ-d-iremmqen, ama ulac ad-aγ-d-iqas!
- Ad lhun medden d temsalt-a n tmecre
. S ccedda neγ s talwit ad ɛemren agraw swayes ara suffγen asfel. Ma nenna-d tidet, lehur-a kkint tlawin deg-sen, acku aqerruy-nnsent yeɛmer ɛmrayen, rnu d nutenti daγ i yezgan d timeceyɛin : n Rebbi d Ccian.
- Maca, irgazen da
γ ssnen d acu ara xedmen. D lɛali, ay qqaren, izgaren-a ad ten-id-naγ, imi I ten-bγan akk medden.ulayγar ar ten-nessagged nnig wannect-a.
- Mačči d ibujaden, nekni, ay qqaren Yem
γaren n taddart. Tirga n tgezzanin neγ tikerkas-nnsent; ileqqaqen I d-yettmaren, lmal I d-yessawalen, ad ruen ad emmren! Maca, di tagara, aseggas dir-it, d tidet. Ihi asfel ma yeffeγ, mačči d ayen n dir-i.
Ad d-bezren idrimen s lem
γawla , ad sewwqen, ad d-asγen izgaren.imir, ad d-ibin kra yellan: ziγen ur urgan ur ten yekcim ulejlej; lǧiran-nni daγen, mi ten-terra tmara daγen, ad uγalen ad gen am yimezwura.hatan ziγ ttraǧun-aγ kan nekni ad nezwir i wakken ad amnen.
Ad d-tezzi nnuba-nnsen, ad d-as
γen izgaren.Tagara, ad mɛanadent tudrin, ta ad tettɛanad ta.maca lemɛanda-nni ur tessuruf ara akkin i lɛerc, di tegti .yal yiwen isellek iman-is ! meɛlum, yelha ma nessufuγ tir ti, seg tama-nneγ.ma d imcumen i
as –yeldin tawwurt, awer kkren!

ẓer dagi :


http://furulu.blogspot.com/


Tiẓrigin ENAG :

ENAG




samedi 28 juin 2008

Rachid Alliche : Caban d Muḥand


Ttif abelluḍ bu tcacit, wala lḥerma tamdellit


Taddart meqqret, tezga-d γef tiγilt am tudrin nniḍen. Yal tama tesεa taεessast i seg iẓri iwεa timizar alamma nneqḍaεent akka i wasif neγ akka i wedrar. Lawan-agi n ḥeṛtadem, i deg iskla εran, bedden d isγaren, ntan d iεekkzen, ayen yembawlen yettwaṭṭef, ayen iffren ittwafḍeḥ-d. Lawan-agi, ttḥuccun ifer i wulli, leqqḍen abelluḍ, zeddmen ara iḥwiğen deg wussan n tegrest. Tibergnin, iεacciwen, ččuren d isuγar ay ssakenwen imesdurar i wussan iwaεren, mara yekmen wulli, mara jebbdent tyugiwin γef teqlaḍin.

Tamazirt am wuxxam : d taεrict tis nat . Ad kkseḍ sseg-s ayen ara tiḥwiğeḍ deg wussan-nni. Anta tamazirt ur nesεi ma drus taseddart tamecṭuḥt i tqamtin ? Ma teḥres-ik tegnitt, yewweḍ-d igenni ar tmurt, a d-sserḍeḍ si tmazirt azal ara issṛen, akken ibγu yili lḥal.

Di taddart, leḥyuḍ sεan allen, tiγemmaṛ snulfuyent-d titli, cceqayeq n tebburt tturarent s ṭṭya n yiṭij di tlemmast n wag°uns. Anda nniḍen, acag°, tasaft , lεerṣa n lkeṛmus, ttekkan
di kra yedran, εemden i yal taberḍaayt.

Assen deg tendh tmes, deg wayla n At Aεli, asal yewwḍ-d am lebṛaq. Terγa tmazirt, yerna uεacciw. Medden akw zṛan, aεecciw deg-s lεawla n usseggas, asaγur d walim. Ayen deg iffeγ uberreḥ, ffγen-d leṣḍul sseḍwayen deg iberdan, uzzlen yeγyal s tbettiyin. Msawalen yemdanen. Cayeḥ. kra yellan din yerγa. Times tufa lebγi-s ; tessaweḍ armi d abrid.
Tualwin imawlan ttiẓẓifent, ssakint-d ssadat nnsen, εannunt-asen ,daεεunt i kra ixedmen, daεεunt s Yiγil Σaysi.
Irgazen nnsent reffden srusun s wallen. Ma d wid ur teεni temsalt dewwiṛen akka d wakka, ssemsawayen di kra ara d mlilen.

AT Ali d imṛabden n taddart. Iεeggalen nnsen am wayla nnsen ftin. Yal tikkelt, kra n win deg-sen iwumi tettunefk teswaεt, ad ismekti aya zṛan akw medden. Di tikli, deg umeslay, di tlemmast n ṛṛeḥba, di lufeq. Ula di tẓẓalit. Taẓẓalit n win yeṛwan d asfillet n win yernan ayen i s d izzin. Adrum nnsen yaεmeṛ, lγaci nnsen ṭṭfen akw imukan, ama di taddart, ama di temdint. Ṣṣawḍen armi i d-yegra γersen umur ameqran di tferkiwin n lεarc . Tagi uγen-tt, tayeḍ tedda-yasen di leγlaḍ, tayeḍ teb°i-tt-id ṛṛhina.
Assa llan ger yecriken nnsen wid ixeddmen fell-asen deg uεarqub neγ urti i ad as-n-d-ğğan imawlan-nnsen . D aklan imellalen. Acrik γersen ittalas lεewla useggas ger wuwren d lxeḍra taquṛant. Ma d mm-is n taddart, atan ad as-rnun isuṛdiyen. Wagi isεa tanezduγ, rnu γer-s mačči d abeṛṛani. Abeṛṛani ad as-fken axxam i netta d warraw-is : daya. Iwakken ad issiweḍ wecrik ass-is, fell-as kan ad issexdem s wass tameṭṭut-is d warraw-is.

Ass deg ara teḍḍru txeṣṣart, akken tebγu tili, ad akw ttwaγen. D rregmat, d tiytiwin d yir awal. Kra yeḍṛan d nutni i d imasayen. Am tmes n wass-a, lemmer llan din, lemmer i ten yuγ lḥal din, tili kra ur d-iḍṛi.

Acku, skud iγelli yiṭij, skud tettrusu-d talwit. Cwiṭ ubeḥri yettawi-d taṣnant n tergin . Taṣnant-agi tessenqes anezgum am lebxuṛ. Tegra-d d lwehma anwa ara tt-iqazmen? At Ali ssusmen akken ma llan, ur ṣṣawḍen s iğadermiyen ur d-ndihen imeqqṛanen-nnsen. Atnin deg uxxamen-nsen, atnin ar lecγal-nnsen, atni di lğama; tewweḍ-iten teṣnant. Taṣnant n tuksiwin n sser.
Caban At Ali ufan-t yefser rrif n wasif. Azekkayen.
Taserdunt-is tezzi-d d taεennanit; mi dewweḍ ar tebburt n wexxam, tdmmer-itt s udamum , tekcem ar lḥaṛa anda tebded; tettgani acrik ara s-ikksen tabarda. D aṭaṛus, s imeṭṭawen-is, i d-issufγen imawlan. Aydi itezzi i tbarda. Tabarda tamellalt tesnaεt-d γer ubeṛdi-s asṛid idammen
Qellbent di tejmaεt, qellbent di lqahwa, ur t-ufin . Nudan di tmizar ur t-ufin. Imir ffγen-d yergazen nnsen, ijenwiyen, timggeḥlin ddaw ucluḥ, glun s yiḍan nnsen. Ffγen wa deffir wa, s tussṛa.

Ufant yetti γef wudem . Udem-is yesleγ seg uzwiγ d yejdi . Allen berrant am tid n wezger, timelli tennejbad; ma d imi yelli, am win yettfan. Ufan anda yettwet . D icerrig ameqqran. Yeḥnunef-d si tmadaγt ihin usawen armi d rrif n waman, idim yettqiṭṭir, yexleḍ d wakal. Yessawḍ-d tiyita alarmi d asif. Yetteḍfi yakk s idammen . Yiwen si laεmum-is yebber aceṭṭiḍ deg waman , syin yesεadda-yas-t γef wudem, yekkes ikerrisen γef icettiḍen.

Caban d atterras nnsen. D ilemẓi. D netta i inehhṛen akamyun, yettawi yessewṣal sselεa; Yal ṛṛeḥba yewweḍ-itt, yal ssuq yerza γures, ass-a dagi, ass nniḍen dihin, tikli am zal am yiḍ; ur issin iγimi. Di taddart , acḥal d yiwen seg i d-ttenkaren ur t-nessin; ittrusu-d seg ukamyun iwakken ad irkeb tasedunt, ad inneḍ i tferkiwin nnsen. Anekcum-is lawan n lmeγreb; ur itekk ara tajmaεt. Itεeddi si tmizar , ger lεerṣat n lkermus, ger ifergan inijjel.
Ass-a tbub-t-id tserdunt-is abrid abrid; yezgr tajmaεt i yetran. Iseqfan n tejmaεt d ilmawen, atan ula d ass-a ulac win ara-t-id iwalin.

------------------
Tamawat I widak izedγen di Paris neγ di rrif-is, iran ad teγren, ungal-agi yella di tmeṛkaḍit Couronnes n temdint n Paris.

vendredi 27 juin 2008

Nubba Yella waya (Amaṭṭaf wis sin)n Slimane Belharet










Rzut γer dagi :


http://radio-slimane.com/




Tiγin n tektabin n Ait Ighil di Fransa




Win yebγan ad yaγ tiktabin n Mouhand Ait Ighil ad yaru γer dagi :


hamane@seddouk-ouffella.com


ẓer ugar isallen dagi :

http://www.seddouk-ouffella.com/spip.php?article213



Tiktabin iweğden :
  • Allen n tayri ( 110 isebtaren)
  • Atlanta ( 101 isebtaren)
  • Tchekov s Teqbaylit ( 161 isebtaren)
  • Axeddeε d Guher ( 125 isebtaren)
  • Tazelmat texṣer ... ( 101 isebtaren)
Yal taktabt azal-is 6 n euro. Yedda-d deg summa-yagi azal n uceggeε.

mercredi 25 juin 2008

Tiliẓri s Tebruṭunt



Tagi d tiliẓri s Tebruṭunt i d-sbedd yiwen n werbaε. Nitni i d-yekkren di tmurt n Fransa kkaten akken ad rren tarwiḥt i tmeslayt-nnsen . Ma taγumit ğğant i yeqmayliyen.

http://www.gwagenn.tv/



Tala n tmedwin

Lemεinsṛa di Wagnun

Lemmer d lebγi "les chercheurs"-agi nneγ ad d-ffγen cwiṭ seg iburuten akken ad leqḍen lecγal nat zik i iteddun ad negren .

mardi 24 juin 2008

Tabirukraṣit

Igerrez nezzeh ccγel n ulemzi-yagi. Dacu isura-ines xuṣṣen di tmeslayt.

samedi 21 juin 2008

Asaru : Ad alseγ zwağğ !

Ur izad wara wayen yellan deg usaru-yagi . Dacu imi s Teqbaylit ad yaγ amkan dagi.


Awal zwağğ di Tmaziγt :
Γer Irifiyen di Icawiyen sexdamen awal rcel i zwağğ.
Awal agi yella di Taqbaylit γas ma yella anamek ibeddel cwiṭ.
Di Dallet yella s unamek n tmeγra.

Azal n Tesninawt (1)

Ḥekkun-d γef yiwen n umattar, d aderγal, deg usaka n Brooklyn, deg New York. Yiwen n wass, yesteqsa-t yiwen n umesbrid, yenna-yas : « Acḥal i tettfγeḍ i wass, acḥal i k-id-ttaken yimesbriden ? » Yenna-yas umeγbun dakken qlil n wass i d-tteḥetilleγ (2)sin yidularen. Dγa, yeddem-d umsebrid talwiḥt-nni yettεelliq umattar γef yedmaren-is, tin γef yura belli d aderγal; yeddem-tt-id , iqleb-itt γef wuden nniḍen, yura fell-as kra n wawalen. Yerra-yas-tt i udarγal , yenna-as : ax talεiḥt-inek, uriγ fell-as kra n wawalen ara ak-d-yawin ugar n yedrimen. Ad d-zziγ ayyur i d-iteddun , tiniḍ-iyi-d acḥal i d-jennuḍ (3) i wass. Asmi i yezri wayyur : Amek ara k-id-snemmreγ, a Mass ? i d-as-yenna uderγal. Akka imir-a tteḥtileγ 10 , tikwal ttawḍaγ alamma d 15 n yidularen i wass,. D ayen ur iqebbel leεqel. Anta tafyirt i turiḍ γef telwiḥt-iw , iyi-d-yettawin anect-a n yedrimen ? – Dayen isehlen , as-yenna urgaz-nni, turiḍ d aderγal seg wasmi d-luleγ, nekk uriγ deg umkan-is: ḥedru-d tafsut, ur tt-ẓerreγ ara.

Ukkis seg art poétique n Roger Gallois, Gallimard 1958

Tasuqilt sγur Kamal Bouamara

(1)Tasninawt : akken yebna wawal-ag : t+a+sn+inaw+t

Asn : d azwir (préfix) inaw : discours

Tasninawt : win yessnen inan , rhétorique.

(2)ḥetill : nekkni ḥelli. amedya i ḥella-d

(3) jennu amayag-agi ulac-it γur-neγ deg Iwaḍyen.

yettkemmil


Tiγri n umedyaz

Taddart At Nẓer

mardi 17 juin 2008

Imaziγen n Blida d teddun ad negren

Imaziγen n Blida, widak yettilin deg idurar n Chriεa, d tedddun ad negren . Tamziγt n Blida teqreb aṭas γer tin n tmurt n Leqbayel. Ass-agi, tuget n Imaziγen n Blida d tidiren di temdinin, ulac aṭaṣ deg-sen i tt-yettmeslayen deg wexxam neγ di berra n wexxam.
Tamaziγt tebda anγas si tallit n ṭrad mgal Fransnsa . Imir-nni aṭas n imezdaγen i yeğğan tudrin-nsen rewlen-d γer temdint . Widak i d-yugran ula d nitni ğğan adrar i temdint, di tallit-agi taneggarut n yidim i d-yeḍran di tmurt-nneγ.

Wagi d yiwen umagrad n ujernan El-Watn γef twaγit-agi.

http://www.elwatan.com/Le-tamazight-blideen-sur-les-ondes

dimanche 15 juin 2008

M. Ait Ighil : Taggara seg wungal Tiγeṛsi


Taggara d ukkis seg wungal n Muḥand Ait Ighil, Tiγersi i d-yeffγen taggara-yagi . Ad tafem deg uṭṭun aneggau , wis 33 , n tesγunt ayamun.

ẓer dagi :

http://ayamun.ifrance.com/

--------------

Taggara

Zdaxel tbaburt Tassili, iulfa s tmurt tettibɛid, maca mazal yettwali-tt, mazal aseɣwen yezga gar-asen, tezga gar wallen ur texfi. M tt-yessaɣ yi, liala temgarad d tin n zgelli, lwec yerkeb ixef n Meyan, ma d agerbuz yezɣeb. Ɣas akken ur t-ixus wayra, taxxamt telha, učči yegget, maca tanumi yennum ulac-itt. Anaɣ qqaren imezwura: tuɛer tnumi. Tura yettulfu s kulci yettwexxir, ileḥḥu d tamendeffirt.

Axeddim yekfa, yekcem taxxamt, yerra ɣer tkemmust i d-yewwi, isenser-d yiwen ungal sway i d-yegla i tɣuri. Yextar-d ungal yura Jack London, yemel aas aɣanib n tira n umaray, acku yettwessif-d tadlegt s taqqa, ur itettu kra.

Yeldi ungal, yebda taɣuri ur yestala, ijerriden n tira mttuttlen gar-asen, s yiɣil i d-iferrez awalen yeɣar. Acal-aya ur yerkib tababurt, asderdef umutur yettlaaq-d d asawen, zzhir yene deg umeẓẓuɣ, lmil atan tikkelt ad izelme, tikkelt ad iyeffes, tikkelt ad yali uqacuc-is. Kra ur yerkid din.

Yeɛna-t-id yiwen uxeddam, yaɛqel Meyan yerwi:

D tikkelt tamezwarut?

Meyan yerra-yas-d « ih » s uqerruy-is, ur yezmir a d-isiwel. Axeddam-nni yewwi afus-is ɣer lǧib, yekkes-d yiwet tkacitt, yesmar-d yiwen lkas waman, yefka-ten i Meyan, yerna-yas-d azgen tqarest: « Su takacitt-a, a k-yenqes umlelli. »

Meyan yuɣ rray fiel awal.

Bihenfih, Meyan yekcem deg yiwen ugnir. Deg yixef-is tteswirat teddunt ttaqqalent. Mi tru yiwet ad tuɣal taye. Neɣ ahat d netta i tent-iɛennan. Ur yeri.

Imekta-d tudrin n tmurt Leqbayel. Ta tefser i yiij, ta teddari deg utelli, ta tebna, ta tedrem. Ta tersa deg tqintuct, tiɣilt ideg tezgi a tt-twali, ta teffer zun tetturar tuqemca, ulac lexbar fell-as, mi tt-tettu ad tbin.

Imekta-d luma. Luma i d-yekkan akkin i lebni, akkin i yimezdaɣ-is, akkin i lɣaci d-itekken syin. Luma d anect-a akk, ugar aya, d aulfu d-yettdekwilen mi tezgi berra.

Imekta-d Meqran Agawa, acu d-yerbe deg wayen akk yexdem? Ma yebna-tt ɣef taggara i s-d-yegren iɣallen, tejleq-it tennek-it ɣur-s. Ɣer taggara-ya, yensa, iru am netta am medden, ulac win d-yudren awal ɣef umezruy i d-yeǧǧa.

Imekta-d aman, jeddi-s win iwumi isawal baba Muu. tawaṭṭfa yeṭṭef deg lɛadat tiqdimin armi s-uɣalent d sebba n twaṭṭfa-ines daɣen deg tudert. Yes-sent i yeggan, yes-sent i d-yettakay. Ɣer taggara, wissen ma d-yili win ara inefɛen.

Imekta-d ussan yekka deg umennuɣ, yerbe neɣ yexser? A d-yini yerbe, acku yelmed iselmed, neɣ a d-yini yexser tagnit yekka akk din? Acku iwala ass yezrin ur d-yettuɣal. Ur yeri.

Imekta-d imeddukal-is, wid yezwaren ffɣen d wid yeqqimen. Anwi yugaren wiyi? Ma yella ṭṭmeɛ n tuɣalin i wid yeffɣen neɣ n rrwa i wid yeqqimen. Beṭṭu yezga dima.

Imekta-d yemma-s. Yemma-s-nni i t-isutren yiwet tikkelt a tt-yawi ɣer zzyara ɣer lemqam Sidi med. Mi tt-isawe yettu-tt din, qrib taɛreq. Mačči d yiwet i d-yernan fell-as, mazal tesber. A tru akka a tesibnen tagnitt, a d-yernu kra ara yesluɣen lecɣal.

Yedda deg tirga.

Yettnadi akkin,

Akkin i wayen rant wallen,

Akkin i wayen yuɣen isem Axemmem,

Akkin i lebɣi saramen wulawen.

Yezga deg tallest,

Ifassen zwaren sferfuden,

Sikkiden deg umiq wallen,

Leḥḥun zwaren iarren.

Iulfa yes-sen nejbaden

Ɣef tfekka baɛden.

Ar tura, i d-mlalen d ilem.

Iulfa s lewhi yella,

Amiq ur t-yeǧǧi.

Anida-t? Yettnadi ur t-yufi.

Iulfa yis.

Ziɣen d timusniwin tiqdimin.

Yaɛqel s tewwura i s-d-ldint

Yaɛqel amiq acal yela ɣef uar,

Yaɛqel isaffen, iɣezrawen yakk d tregwa,

Mačči abrid neɣ sin i ten-iewwes,

Mačči abrid neɣ sin i yeswa din,

Anaɣ itekkes fad dima dinna.

Acal tikkwal i d-yerza ɣer da,

Acal d tikkelt i tent-id-yufa.

Bih bih mi ɣbant tefra.

Yaɛqel llant i lebda,

Ma d timeriwt ur tent-yeẓẓar ara.

Iɣallen inejbaden, ur yeri tura,

Ur yefhim ma d nutni i d-inekmacen,

Neɣ d tafekka i iruen ɣur-sen.

Iulfa yes-sen refden-t.

Zdat-sent sersen-t.

Targit akka i tebda neɣ i tekfa.

Asegzawal n Teqbaylit yura J. M. Dallet




Aṭaṣ n isebtaren(1) i tzemrem ad twalim deg umakan-agi, dacu a wufan, i win izemren, ad t-yesεu deg uxxam.
D agerruj n Teqbaylit. Ar assa imussnawen-agi nneγ, yernu akken ma llan, ur d-leqḍen ara ula d tis 100 n wayen i d-yewwi Mass J. M. Dallet.

http://books.google.fr/books?pg=PA365&lpg=PA365&dq=aje%E1%B8%A5mum&sig=YnGMKSr2bMpV997t99rrCIpWza8&ct=result&id=nZdP85wiDmcC&ots=H2B9j8Y8oX&output=html


(1)Asebter :" face d'1 tunique,par extension page (Nait Zerrad)." Asebter d awal n Tmaceγt.

Imucaγ s timmad-nsen sexdamen udem, i wakken ad semmin "la page" s Tmacaγt, deg umkan n usbter . Anamek amezwaru n wudem di Tmaceγt am win n Teqbaylit. Ihi acimi ur t-nettbeddil ara ula d nekkni . U yernu awal udem yella di yal "tantala" n Tmaziγt.





Tinsiwalt n usneγms


Tagi d yiwet ne tezmamt(1) i d-yesufeγ Ircam ( Irxxan) γef "usneγmes"( médias )

Tamawt :

Widak i d-heggan tinsiwalt(2)-agi xemmen kan γef n tantaliyin yettilin di tmurt n Marruk, ur d-cliεen ara γef imaziγen nniḍen. Waqila timmuzγa-yagi n tmenyik ḥala Iqbayliyen i mazal ṭṭfen deg-s.
Dacu yelha ma nesexdem umuγ(3) n imeslayen yellan di tensiwelt-agi akken ad nesnulfu yiwet, seg iẓuran n Teqbaylit .


1- Tazmamt : di Dallet yella s unamek "registre". Mezdad yessexdm-it s unamek n tekatbt . Adlis d awal ur neṣeḥḥan ara maḍi. Ulac-it merra di tmeslayt n Timimun.

2- Tinsiwalt : vocabulaire ( A. Berkai)
Tinsiwalt ansiwel : a- n - siwel siwel : parole

3 - umuγ : lsite (Amawal n Tmaziγt tatrart) ur neẓri ara ansi i d-yekka wawal agi .

http://www.ircam.ma/fr/index.php?soc=publi&rd=78

Tifinaγ n Ircam :

http://www.adrar.nl/images/tifinagh.jpeg

ad yettuεawed



mercredi 11 juin 2008

Awal n uselway J. Chirac γef nnger n tmeslayin


Awal n uselway J. Chirac γef nnger n tmeslayin
envoyé par ziri95



"Yal iles d idles. Ass-agi yella wazal n 6000 n tmeslayin di ddunit, [azgen deg-sent]teddunt ad negrent"

Zer dagi :

http://fr.fondationchirac.eu/



vendredi 6 juin 2008

Ideflawen : Areẓqi Lbacir


Ideflawen: Arezqi lbacir
envoyé par mastanabal78

AREZQI LBACIR

Iγaḍ-iyi Urezqi Lbacir
Di teẓgi ddaw usisnu(1)
Ilu
ɛa-t-id wayyaw-is:
"A xali, kker a nejbu!"
"Xalik igzem uḍar-is,
Ma lli
γ-ak deg wul γas ru!"
Kečč ay Arezqi Lbacir
Ay abazin n ubbe
εuq,
Ittnusun deg lexlawi,
Iq
eɛ i lqeyyad ssuq,

Iγaḍ-i lɛerc Aγwebri
Issuli-yas llazuq.
Ifassen-iw gren di lqid,
Udem-iw yu
γal am uyeddid,
Iḍarren-iw deg Qa
erma
Qsen
in' a tt-nessikid,
Amzun deg aggur n l
ɛid,
Γef yixef-iw tewwet lmeḥna

--------------------------------------------------------------------------------------------

Inumak kksen-d seg usegzawal n Dallet

asisnu,(arbousier) : http://fr.wikipedia.org/wiki/Arbousier

jbu : Passer; se rendre, aller vers un endroit, un pays éloigné, en passant par dessus une montagne , en franchissant une limite.

Nessikid : nemmuqul

Abbeεuq : Le gouet, arum (itilacum) // chose pénible, intolérable

http://fr.wikipedia.org/wiki/Arum_italicum

Ixef : ici, aqerru

Abazin , tabazint : plat composé de farine, de tubercules d 'arum et de quelques herbes // bagarre.

Yiwen n weḍris γef Amar u Maray d ameddakel n Arezki Lbacir ( ad fell-asen yeεfu Ṛebbi)

http://www.inalco.fr/crb/crb_2/Fiches_bio/Amar_ou_Merai.pdf

Si Muḥ : Tayri-w d ulac