lundi 28 juin 2010

Ɛli d Waɛli asaru nniḍen s Teqbaylit




Wagi d asaru nniḍen i d-rran ɣer Teqbaylit imeẓyanen n ustidyu Tamuɣli

Mennad : Tabudart






Tabudart tağaṛett nneɣ
Asmuɣli iḍal i wedrar
Deg uzal kan id ttefeɣ
I waken a tteɣz ababdar
Ad d-tawi akal azeggwaɣ
Aεrur-is yezga yekker

Tettaru f txabitin
Asekkil imezwura n tmurt
Xas ul-is yebḍa ɣef ssin
Dinna is yehwan tarut
Qaṛen as tt-tijaṛiḍin
Widek ur nefhim d acut

Mi d-tesmed kra ufexxaṛ
Ad tgerrez ttεebga iweɣyul
Tettak as lebɣi i wḍaṛ
Ulac tiɣilt ur tennul
Tettbeddad amnaṛ amnaṛ
Inza iɣil inza wul

Ddac ddac a tabudart
Ad taɣeḍ lgelba ubeluḍ
Ifassen-im yuɣen ticcert
Ad gen imensi a terwuḍ
Meskud i teεra tedmert
I mazal ad tesnulfuḍ

Asefru n Amar MEZDAD
Aẓawan MENNAD

Rzut ɣer weblug-agi deg-s akk tuɣac n Mennad :

http://hacemess.centerblog.net/rub-mennad-.html

iṭagen : mennad menad amar mezdad amar_mezdad kabyle kabylie tamazight tamazighte amazigh tizi-ouzou taqbaylit tamedyazt bgayet

vendredi 25 juin 2010

Taceṭtaḥt wer isem




Tersed ad tecḍeḥ
Wer nessin isem-is
Lḥerz lfeṭṭa
Ger tedmarin-is

Tersed ad tecḍeḥ
Tebrad i wemzur
Ad zenzaɣ fell-as
Aḥṛiq uzemmur

Tersed ad tecḍeḥ
S uxelxal d ddaḥ
Ad zenzaɣ fell-as
Aḥriq n tteffaḥ

Tersed ad tecḍeḥ
Tezmumeg s teḍṣa
Ad zenzaɣ fell-as
Aḥṛiq n ččina.



iṭagen : Taos amrouche tamazight tamazighte kabyle berbère kabylie tizi-ouzou tamazighte amazigh algérie bejaïa bgayet taqbaylit

jeudi 24 juin 2010

lundi 14 juin 2010

Asegzawal n iɣersiwen


D asegzawal igerrzen deg-s 1340 n yismawen n iɣersiwen . Yura s tefransist , tamaziɣt d taɛrabt. Tazwart s teɛrabt.


Aḥric amezwaru : d tazwart

Aḥric wis sin ( dagi i llan 1340 n wawalen )

Asegzawal s Teqbaylit kan



Asegzawal amezwaru s yiwet n tutlayt ( Taqbaylit-taqbaylit ) yura Kamal Bouamara ad yeffeɣ di kra n wussan di tmurt ɣer teẓrigin n Tizi-wuzzu L'Odysée. Summa-s 1200 idenaren . Yelha, igerrez ɣef wayen idennan widak i t-yeẓran yakan.
Taḥnut n tektabin n l'Odysée tezga-d s-dat " Le monument" di Tizi-wezzu. Imezdaɣen n temdint ssnen amkan-agi.


iṭagen : dictionnaire monolingue kabyle issin kamal Bouamra tamazight kabyle berbère taqbaylit