mardi 17 mars 2009

Izli n Pink Floyd : Atom heart mother



Yiwen n yezli abaḥan n PINK FLOYD

Tamawt : d izli i d awal i iṣeḥḥan mačči d tizlit . Awal-agi ssawalent deg Iwaḍiyen ugar 80 isuggasen-ayagi . Yella deg umud Le roman du chacal , n Brahim Zellal memm-is n At Abdelkrim n Iwaḍiyen. Tizlit d " la chansonnette".
Ass-agi izli yenger γeg Iwaḍiyen . Llan aṭas imeslayen nniḍen i yessexdem : am tafukt , tura neqqar kan iṭij ( yiwen uẓar netta d ifeṭṭiwej), ayrad (izem ), llan wiyaḍ.
Mara nγer taktabt (1)-agi a negzu aṭaṣ n imeslayen i neqqar assa : azrem deg uqelmun, akken iqerḥent i nefεent . Lḥaṣul igerrez.

(1) adlis= icenfer Surfet-iyi ur riγ ad awen ṛzeγ ifadden. Dacu awal adlis ur iseḥha ara maḍi. René Basset asmi t-id-yelqeḍ di Timimoum yezgel di tira : yura livre deg wemkan n lèvre. Ihi adlis ira ad yini icenfer. Ma tegrem tamawt Mezdad deg wengal anegaru, Ass-nni, ur tisexdem-ara.
Γret di tagara n tektabt-agi yura Rachid Bellil (amnadi n tidet mačči d win n lbiru) γef tgurarin. Di tagra yefka-d yiwen umawal d amectuḥ anda i d-yedda wawal adlis.
Tagi i d tansa :
Rachid-Bellil

Ihi igerrez yezli-yagi neγ ala...

PINK FLOYD ATOM HEART MOTHER

envoyé par allainraphael

2 commentaires:

Anonyme a dit…

azul,

dagi a yameddakel tḥuza-ḍ-iyi akken ilaq:

Pink Floyd d yiwet deg trebuyaε n "rock" iḥemleγ aṭas aṭas...

tin ar γures: awalen imaynuten, nekk ttkukru-γ-ten, wid i ten-d-ssnulfan,γawlen ur ssalqin ara tamusni nsen deg waya, diγ netta ayen akk i deg iγelḍen (aṭas n wawalen !!)ass-agi nekkni nsseqdac-it amakken ur yelli kra !!

"Rachid Bellil" d tidett, d amusnaw ameqqran (netta mačči d win n lbiru, akken id tenni-ḍ !)Rachid "yuγ-d aẓar" γer Dda Lmulud.

Lḥaṣunin tanemmirt-ik tettawiḍ-aγ-d ala ayen yelhan deg "wesmel-agi" (awal amaynut !!)

idlisen_nnegh a dit…

Azu a gma,

Aha kan zṛiγ mačči d tamussni i d-aγ-ttikksen. Widak iḥemmllen, widak i iẓewren di Tmaziγt , ẓewren deg wayen nniḍen. Mačči d imedyaten i ixuṣsen. Deg Izli-agi ḥemmleγ aṭas anda tetturar teḥdayt-nni « violoncelle » .

D tidet γef wayen i d-nniḍ γef wawalen imaynuten. Dacu tarbaεt nni n Dda Lmulud xedmen akken ufan mačči akken ran (amyag er , d awal n Teqbaylit yessefk ad as-d-uγal- tudert). Dda Lmulud yeẓra s timmad-is d akken aṭas n wayen ixuṣen deg Umawal dimi weğin yeqbel ad isers isem-is deg-s (ẓer adiwenni n Achab Ramdane di internet). Xas akken, yeqbel ad yeffeγ. Acimi ? nekk γef wayen meyyzeγ, walaγ di tegnit-nni dayagi kan i ilaqen. Amawal-nni d asebγes i yilmeẓyen n tallit-nni akken ad ḥelfun d akken Tamaziγt d iles atrar i izemren ad yili am netta am wiyaḍ.
Lemmer d lebγi ass-agi ad ṣeggmen imussnawen n Tmaziγt ayen ixuṣṣen deg Umawal u ad snulfun imawalen nniḍen. Γas ma yella d tidet yella wayen yettwaxedmen s udem usnan
dacu mazal aṭas n wayen ixuṣsen.