Kra nnan d kra xedmen Imaziγen zik ur t-iẓri ḥed, acku ḥed ur t-yuri. Ayen akw d-ettawin imezwura nneγ illa kan s tmenna mačči s tira, armi kra ijla yaγ i nekwni d-irnan deffirsen.
D taluft-a taqdimt ig-laq annemḥu tura ;ilaq-aγ a nessemnaε ayen akw iwimi nezmer deg wayen daγ d-iqqimen seg idles nneγ skud ur iruḥ ula d netta. Imaγlayen (1)umezruy n zik keblen ifassen i ymezwura nneγ, wid umezruy n wassa ur εdilen ara.
Amezruy n wassa ixulef di snat temsal, yiwet tenfaε, tayeḍ tdur. Tin idurren : tazmert n ddulat n zik t-tin n ddulat n tura mxallafent. Tazmert n ddula n zik ur tzad ara ; ma tella teqbilt illan teqwa cwiṭ, tezmer ad tqamer neγ xeṛsum a-s-etjaneb, ad tali s-adrar (akken xedmen Leqbayel d Icawiyen), neγ a t-γerreq di Sseḥra (akken xedmen Imucaγ, Imzabiyen d kra Izennaten). Segg wasmi i d-snulfan Iṛumyen yal asafar, uγalent ddulat n wassa nnernant di tezmert ; ulac tamna ṭ ur wwident ara s ṭumubilat, s isufag , s ṛradyu, s iγerbazen .
Aγerbaz ladγa iγelb-itent akw. Skud mezzi weqcic aqerru-s fessus, iṛdeb am urekwti, akken tebγid a bnadem a t-εarkeḍ. M' ara yuγal d argaz a-t-id-yaf Iḥal iqqur kan γef ayen iḥfeḍ di temzi-s, d ayen kan iwim' ara id ittεawad, d tameslayt ilmed ass-n ara id izeggwiren s iles-is.
Maca tella tayeḍ tenfaε deg wmezruy n wassa. Di lqern εacrin agi deg nella telḥ̣a tussna, armi tuγal tezmert-is tekka-d nnig tezmar nniden akw u annect-a di mkul amdiq. Ihi yezmer bnadem ad issexdem allalen-is. Assa win ibγan ad yessufeγ idlisen s tmeslayt i s-ihwan, ama tettwaru zik am' ala, acku tussna tessuks-ed leqwanen n tmeslayt wala wid n tira. Assa nezmer ad nessufeγ idlisen di mkul ṣṣenf.
Maca axxam ibennu γef llsas. Llsas nneγ nekwni d ayen nnan d wayen gan imezwura nneγ. D win i daγ ilaq a-d-nejmaε assa. Tagi d yiwet di ssebbat n wedlis-a γef Ccix Muḥend. Llant tiyaḍ, acku ayen inna Ccix mačči kan ala Leqbayel neγ ala Imaziγen i-g̣εana . Asekkud-is ifel i-tlisa n tmurt Leqbayel, ulamma din i d-yennulfa, yaεna akw timura d akw lewqat.
Tahrayt n wawal, aweṛrat iḥerzen ayen das d-ikkan sγur Iwaldin-is, yelha ; Win irnan s-ayen i s-d-iğğa baba-s, yif-it. Ihi ayen d-nejmeε si tmusni n Ccix ad aγ yili d llas iγef ara nebnu, ansitteε am-makken isitteε tin n yigad tizwaren.
D taluft-a taqdimt ig-laq annemḥu tura ;ilaq-aγ a nessemnaε ayen akw iwimi nezmer deg wayen daγ d-iqqimen seg idles nneγ skud ur iruḥ ula d netta. Imaγlayen (1)umezruy n zik keblen ifassen i ymezwura nneγ, wid umezruy n wassa ur εdilen ara.
Amezruy n wassa ixulef di snat temsal, yiwet tenfaε, tayeḍ tdur. Tin idurren : tazmert n ddulat n zik t-tin n ddulat n tura mxallafent. Tazmert n ddula n zik ur tzad ara ; ma tella teqbilt illan teqwa cwiṭ, tezmer ad tqamer neγ xeṛsum a-s-etjaneb, ad tali s-adrar (akken xedmen Leqbayel d Icawiyen), neγ a t-γerreq di Sseḥra (akken xedmen Imucaγ, Imzabiyen d kra Izennaten). Segg wasmi i d-snulfan Iṛumyen yal asafar, uγalent ddulat n wassa nnernant di tezmert ; ulac tamna ṭ ur wwident ara s ṭumubilat, s isufag , s ṛradyu, s iγerbazen .
Aγerbaz ladγa iγelb-itent akw. Skud mezzi weqcic aqerru-s fessus, iṛdeb am urekwti, akken tebγid a bnadem a t-εarkeḍ. M' ara yuγal d argaz a-t-id-yaf Iḥal iqqur kan γef ayen iḥfeḍ di temzi-s, d ayen kan iwim' ara id ittεawad, d tameslayt ilmed ass-n ara id izeggwiren s iles-is.
Maca tella tayeḍ tenfaε deg wmezruy n wassa. Di lqern εacrin agi deg nella telḥ̣a tussna, armi tuγal tezmert-is tekka-d nnig tezmar nniden akw u annect-a di mkul amdiq. Ihi yezmer bnadem ad issexdem allalen-is. Assa win ibγan ad yessufeγ idlisen s tmeslayt i s-ihwan, ama tettwaru zik am' ala, acku tussna tessuks-ed leqwanen n tmeslayt wala wid n tira. Assa nezmer ad nessufeγ idlisen di mkul ṣṣenf.
Maca axxam ibennu γef llsas. Llsas nneγ nekwni d ayen nnan d wayen gan imezwura nneγ. D win i daγ ilaq a-d-nejmaε assa. Tagi d yiwet di ssebbat n wedlis-a γef Ccix Muḥend. Llant tiyaḍ, acku ayen inna Ccix mačči kan ala Leqbayel neγ ala Imaziγen i-g̣εana . Asekkud-is ifel i-tlisa n tmurt Leqbayel, ulamma din i d-yennulfa, yaεna akw timura d akw lewqat.
Tahrayt n wawal, aweṛrat iḥerzen ayen das d-ikkan sγur Iwaldin-is, yelha ; Win irnan s-ayen i s-d-iğğa baba-s, yif-it. Ihi ayen d-nejmeε si tmusni n Ccix ad aγ yili d llas iγef ara nebnu, ansitteε am-makken isitteε tin n yigad tizwaren.
(1) Imaγlayen : circonsatances
ukkis si :
Mulud Mεammeri : Inna yas Ccix Muḥend
Adlis iffγ-d i ddemma n bab-is di Ldzayer deg useggas 1990
Aucun commentaire:
Enregistrer un commentaire