Adfel yessa-d ula deg uzaγar
Tamγart tleḥḥu ad zdem asγaṛ
I wemγar-is ad yeḥmu
Di srir-nni la yettṛaju
Lawan yewweḍ-d
Qrib ad yeddu
Aγbel yeččat yeskaway allen-is
Aṣemmiḍ yesdubbuz ifassen-is
Bessif i tcudd afagu
Amγar di ssrir yettraju
Lawan yewweḍ-d
Qrib ad yeddu
Afrux amcum yeγra-d i tmeṭṭut
Fiḥel times, argaz-im yemmut !
Arz akkin ay afalku !
Amγar di ssrir yettraju
Lawan yebweḍ-d
Qrib ad yeddu
Teγṣeb tikli mi is-d-yerna lxiq
Tettuḍ mi ijaḥ yeğğa-kem di ddiq !
A Cciṭan Ṛebbi ak-yexzu !
Amγar di ssrir yettraju
Lawan yewweḍ-d
Qrib ad yeddu
Imi tekcem teγli-d leḥmali
Tenna-d Llah mazal nessuli
Awal-is yeddem-it waḍu
Amγar di ssrir yettraju
Lawan yebweḍ-d
Qrib ad yeddu
Awal-is yeddem-it waḍu
Amγar di ssrir yettraju
Lawan yebweḍ-d
Qrib ad yeddu
Aucun commentaire:
Enregistrer un commentaire