mercredi 17 septembre 2008


Uccen d tewtult



Tusa-d tefsut : tezzegzew tmurt, teğğuğğeg, fsant ttjuṛ, ttarwen lewḥuc . Iṛuḥ wuccen yewt-as llir i tewtult, yenna-yas :

- Yessetmam, ahatent sεant-ed arraw nsent : a ten-awint i tziri ad jgellben di leḥcic, ad ččen zzewteṛ neγ isegmi ufeqqus. Kem qqim dagi a kem yesummut lmir n lewḥuc !

Ur as-d-terri tewtult d aεrab wala d aqbayli, lameεna tegr-ed tinexsas: nnḍen-s lehduṛ n wuccen i wul-is, am cečči qebren-tt.

εeddan kra n-wussan, tuγal tuγ awal n wuccen : truḥ s izem tenna-yas stergigit :

- A lmir n lewḥuc, ad iyi-tserrḥeḍ: bγiγ ad ruḥeγ : εyiγ !

Yeεreḍ yizem a tt-id-yeṭṭef , a tt-id-yerr s abrid : iḥawet, yessag°ed, ur yufi Teεṣat : abaden ! Yewt-itt, yerẓa-tt : yenna-yas :

-Ddem, a Ben Yeεqub , ad tt-netleḍ !

Yebb°i-tt wuccen, yečča-tt, yemeceḥ idammen : yefreḥ iğεel ussan yelhan a d-uγalen.

3 commentaires:

Anonyme a dit…

azul,
ayen ur nelhi deg wesmel agi dakken m'ara d yaru walbaed kra ur t yettwali ara wayed ,ayagi dayen ur nelhi; imi ulac asqerdec n wawal ihi ulac alemmud gher weyyad, ihi ma yehda kwen rebbi beddel et as talgha i wesmel agi iwakken a nelmed gher weyyad syin agh d fken tikti i tira, xeddmet as am wesmel nni " imyura.net" s tegmatt d ttezdeg n wul.

idlisen_nnegh a dit…

Azul a gma,

Tanemmirt γef uwennit-inek.Kkes aγilif : ayen i d-turiḍ yettwalit yal imeγri. Ihi awid kan win ar yeγren, awid widak ar d-yarun.
Γef ubeddel n wesmel, taswiεt-agi ad yeqqim kan akka imi drusit widak i d-yettassen, ad nwali γer zdat ma llan ma kkred wiyaḍ.

idlisen_nnegh a dit…

tawinest taneggarut :

ad nwali γer zdat m' ad kkren wiyaḍ.