samedi 21 février 2009

Ablog Amaynut


Azul fell-awen,

Atan snulfaγ-d weblog( neγ weblug) amaynut. Fkiγ-as, di laεḍil, isem s Fransist, lexique kabyle de la botanique. Imir-a deg-s kan ismawen n yemγan s Teqbaylit. Dacu d ismawen iqburen ur nessin ara nukni at tsuta n tura. Isemawen-agi kkseγ-tnid seg yiwet n tezrawt texdem Massa Saliha Smail-Iggul ( tekfa-tt deg useggas n 2003).Massa Saliha Smail-Iggul d taselmadt n tasnilest deg tesdawit n Bgayet.

Ad tan ihi tansa n weblog-agi :

http://lexiquekabyledelabotanique.blogspot.com/


Imir-a deg-s kan ismawen usnan d widak n Teqbaylit d tuggniwin n yemγan. S ya γer sdat ad rnuγ i yal imγi ugar n isalen i d-ksseγ si tezrawt-agi igerrzen nezzeh.

Tamawt :
Ur ssineγ ara aẓar n wawal-agi, imγan . Dacu yella yiwen wenzi yettwasnen aṭaṣ di lğiha n Iwaḍiyen neγ ula d anda nniḍen . Anzi -yagi yeqqar " Imγi n ṣṣaba meεqul si ddaw tmurt i d-yemeqqul". Ahat seg wenzi yagi i d-yettwakkes wawal-agi.

9 commentaires:

Anonyme a dit…

Azul fell-ak, cukkeγ awalen "imγi" d wesget-ines "imγan" kkan-d seg wemyag "mγi".

Anonyme a dit…

Tanemmirt-ik

Atan ihi tufiḍ-as-d waqila tifrat : imγi d ayen i d-meγγin ( meqqin). Ahat ihi seg wamyag-agi i d-yekka yisem-agi. Dacu awal-agi yenger, medden ur da tessexdamen ara.Ihi yugra-d kan deg yinzan.

Anonyme a dit…

Ur tesseqdacen ara tineggura-ya d tidet, steqsaγ tamγart n yemma, tenna-d mi meẓẓiyet sseqdacen-t yerna yettwafham.


Ayirat.

Anonyme a dit…

azul,

"imγi n ṣṣaba meεqqul s-ddaw n tmurt i d-ismuqqul" akka i t-neqqar nekkni s illulen usamar !

Anonyme a dit…

Azul fell-awen,

Tanemmirt-nwen.

Tanemmirt ay Ayirat imi d-aγ-nudaγ γeg wawal-agi. Ihi imγi d awal n Teqbaylit u mazal yedder.

Riγ kan ad rnuγ yiwen n wawal .
Imi tura bdan da tillin widak yettarun Taqbaylit, acimi ur nettemlil ara γer yiwen n wemkan ( amedya am Facebook ) akken ad nembaddal awalen. Win yessnen amaeslay ad t-id-yini . Akkagi ad timγur tussna n umawal nneγ . Yernu tikwal ad nelmed imeslayen n Teqbaylit ur yellin di taddart neγ di lεerc-nneγ. Aṭaṣ n imeslayen i ledeγ kan di internet, imedyaten :
Ageεmir, tiskert, tafukt, tametna ( ageffur, d awal acawi), imγi, freg (nekkni neqqar ẓerreb,γas ma yella wawal afrag γur-neγ), tazzeqqa (axxam), demmer (nekkni neqqar wesseε), tiγerγert ar taggara. Ihi d iseγ yelhan lukan ad nwelleh γer tekti-yagi.

Ar tayeḍ.

Anonyme a dit…

Azul fell-ak, d tikti igerrzen, ur ẓriγ ara ma tegreḍ tiṭ-ik γer yiwet n teγmert di facebook, isem-is akka : A leqbayel arut taqbaylit-nwen, ihi dinna nebda-d akka cwiṭ, nettmeslay γef wemgirred deg wawalen si temnaṭ γer tayeḍ.

http://apps.facebook.com/causes/181775?m=8c3a5226&recruiter_id=36950014

Ayirat.

Anonyme a dit…

Tamawt γef wawal "ageffur", ahat yella ula di tcawit, imi ur ssineγ ara tacawit ur zmireγ ara a d-mmeslayeγ fell-as, maca "ageffur yella ula di teqbaylit, di temnaṭ-iw At Yiraten d awal-a ay nesseqdac s ṭṭaqa.

Ayirat.

Anonyme a dit…

Ssuref-iyi, tura fehmeγ dacu tebγiḍ a d-tiniḍ γef ugeffur, meḥsub "ageffur" qqaren-as "tametna" γur icawiyen.

Ayirat.

idlisen_nnegh a dit…

Tanemmirt a mmi-s Umaziγ.